- Auglýsing -
Steinunn Árnadóttir, hesta- og baráttukona fyrir dýravernd, segir hestasamfélagið líta undan þegar kemur að slæmri meðferð á hrossum.
Ljósmynd: Aðsend
Í nýlegri færslu á Facebook bendir Steinunn, sem í fyrra vakti athygli á afar slæmri meðferð á búfénaði á bóndabænum Nýjabæ í Borgarnesi, að sömu hestar og bjargað var frá Borgarnesi, þurfi annan veturinn í röð að vera lokaðir inn við slæma umhirðu. Segir hún þá fá ónýtt hey að éta og að þeir geti rétt lifað af. Þá segir hún að hestamannasamfélagið líti undan, sem og Landssamband hestamanna og Bændasamtökin einnig.
Færsluna má lesa hér að neðan:
„Ekki fyrir viðkvæma!
Inni í þessu húsi hefst annar vetur í röð sem sömu hestar eru lokaðir inni við slæma umhirðu.
Nú í Fjárborg, 110 Reykjavík.
Þeim er gefið hey sem er ónýtt og þeir rétt geta lifað af.
Má nefna að í hesthúshverfinu Fjárborg, við hliðina á umræddu húsi, eru reknar hestaleigur og túristar fara í hópum um svæðið til að “upplifa” íslenska hestinn!
Meðfylgjandi eru myndir af þessum vesalingum síðastliðið ár. Myndirnar sýna þá lokaða inni í hesthúshverfinu í Borgarnesi veturinn 2022, hvernig þeir litu út vorið 2022 og síðustu myndirnar eru frá október 2022.
Hestasamfélagið lítur undan.
Landsamband hestamanna lítur undan.
Bændasamtökin líta undan.
Matvælastofnun/Mast svarar ekki!“