Hörður Sigurjónsson, 65 ára gamall fyrrverandi rannsóknarlögreglumaður, sem oftast gengur undir viðurnefninu Snatchat-perrinn, klæmdist á sunnudaginn við 12 ára stúlku og reyndi að fá hana til að hitta sig á Dominos. Samkvæmt DV eru textasamskipti Harðar við barnunga stúlkuna ekki birtingarhæf.
Hörður hefur ítrekað við til umfjöllunar fjölmiðla fyrir perraskap sinn og áreitni í garð barnunga stúlkna. Hann hefur ítrekað verið handtekinn vegna klámyrða og grófra myndasendinga. Hörður hefur verið sakaður um að hafa sett sig í samband við að minnsta kosti fimm ólögráða stúlkur, reynt að fá þær til að hitta sig og klæmst við þær með grófum hætti.
Hörður var jafnframt einn af þeim sem reyndu að hitta 13 ára gamla tálbeitu í fréttaskýringaþættinum Kompás árið 2006.
Í sumar fjallaði DV um hegðun Harðar og ræddi þar við hann. „Hver er ábyrgð foreldra í þessu þjóðfélagi varðandi það að láta börnum sínum í té tæki til að nota á samskiptamiðlum og láta það algjörlega átölulaust að þau séu á einhverju Snapchatti? Það verður aldrei ákært, það er ekkert sakarefni, það er ekkert brot. Ábyrgðin er foreldranna. Ég er heiðarlegur maður,“ sagði Hörður þá.
Á sunnudaginn reyndi Hörður svo að lokka til sín 12 ára stúlku og bað hafa um að hitta sig á Dominos. Samkvæmt DV sendi hann klámfengin hljóðskilaboð og ósæmilega myndir á textaspjalli við stúlkuna. Það gerði hann eftir að hafa vitað um aldur hennar en von er á kæru til lögeglu vegna áreitni Harðar um helgina.