Mygla er komin upp í Tónskólanum í Neskaupsstað og verður öll starfsemi hans færast í Nesskóla næstu mánuðina á meðan myglan er hreinsuð burt.
Samkvæmt frétt Austurfréttar virðist sem um mistök verktaka fyrir nokkrum árum hafi ollið myglunni nú. Verkfræðistofan EFLA framkvæmdi rannsókn á húsnæðinu og var þar staðfest að mygla væri í húsinu og að allt bendi til þess að framkvæmdir sem gerðar voru á húsinu fyrir fáeinum árum hafi ollið því að vatn komst undir gólfefni og valdið mygluskemmdum. Framkvæmdirnar þá voru einnig líka vegna myglu.
Skemmdirnar og umfang þeirra er nú metið að sögn fjölmiðlafulltrúa Fjarðarbyggðar en í framhaldinu verður hægt að leggja mat á kostnað og verktíma viðgerða. Vegna þess hve tímafrek viðgerðin er er ljóst að frekari starfsemi í húsinu frestast fram á sumarið.