Hald lagt á 158 kannabisplöntur á Selfossi: „Ég held að þeir hafi bara runnið á lyktina“

Lögreglan á Suðurlandi kom upp um kannabisræktun á Selfossi í síðustu viku. Var lagt hald á 158 plöntur og búnað til ræktunar.

Sunnlenska.is sagði frá málinu í dag. Kemur þar fram að tveir menn hafi verið handteknir vegna málsins en voru látnir lausir eftir yfirheyrslu.

Í samtali við Mannlíf sagði lögreglufulltrúi að upp hafi komist um kannabisræktunina af tilviljun. „Ég held að þeir hafi bara runnið á lyktina,“ sagði fulltrúinn og átti þar við lögreglumennina sem fundu ræktunina. Lögreglan telur málið upplýst og að ekki sé þörf á frekari handtökum.