Akraneskaupsstaður leitar að leiguhúsnæði fyrir flóttafólk frá Úkraínu

Akraneskaupsstaður óskar nú eftir upplýsingum um mögulegt leiguhúsnæði fyrir flóttafólk frá Úkraínu.

Fram kemur á Skessuhorn.is að kaupstaðurinn leiti nú að leiguhúsnæði, íbúðarhúsnæði eða herbergi, í sveitarfélaginu þar sem ríkisstjórn Íslands vinni nú að undirbúningi fyrir móttöku flóttafólks frá Úkraínu á næstu dögum.

Þeir sem hafa upplýsingar um laust íbúðahúsnæði í sveitarfélaginu eru vinsamlegast beðnir um að hafa samband við Akraneskaupstað með því að senda upplýsingar á netfangið [email protected] Þar þarf að koma fram hver er eigandi húsnæðis, staðsetningu íbúðarhúsnæðis (íbúð/herbergi), stærð á íbúðarhúsnæði og áætlað leiguverð.