Svona var Ágústi Ólafi hent út

Hermt er að uppstillinganefnd Samfylkingarinnar í Reykjavík hafi aldrei greitt atkvæði um stöðu Ágústs Ólafs Ágústssonar á framboðslistum flokksins og það sáttaboð hans að taka annað sætið á lista. Formaður uppstillinganefndar, Hörður Oddfríðarson, mun ekki hafa fengist til að bera málið undir atkvæði nefndarinnar. Þess í stað fór formaðurinn með málið fyrir stjórn fulltrúaráðs flokksins, sem skipað er sjö manns eða nær helmingi færri en í uppstillinganefnd. Þar féllu atkvæði þannig að þrír vildu taka boðinu en fjórir, þeirra á meðal formaðurinn, höfnuðu boði þingmannsins. Kratarnir í Samfylkingu eru ævareiðir vegna þessa og vilja meina að helsti sökudólgurinn sé Mörður Árnason, fyrrverandi þingmaður og félagi í uppstillinganefnd, sem hafi grafið undan Ágústi Ólafi með  öllum  tiltækum ráðum …