Sigurður Ingi fengi forsætisráðherrastólinn

Sjálfstæðisflokkurinn er frjálsu falli ef marka má nýja skoðanakönnun MMR sem sýnir að flokkurinn fengi aðeins 22.3 prósent atkvæða ef kosið yrði nú. Framsóknarflokkurinn er aftur á móti á fleygiferð samkvæmt sömu könnun og er i 15,3 prósentum. Þá er Viðreisn með Þorgerði Katrínu Gunnarsdóttur í brúnni að skora hátt, með 12,2 prósent og þar með ofan við bæði VG og Samfylkingu. Yrði þetta niðurstaðan er Sigurður Ingi Jóhannsson formaður í dauðafæri með að ná forsætisráðuneytinu eins og Lilja Alfreðsdóttir, varaformaður hans spáði. Verði þetta niðurstaða kosninganna er Bjarni Benediktsson formaður í miklum vanda og vandséð að hann standi af sér atlögu Guðlaugs Þórs Þórðarsonar, ef til uppgjörs kemur milli þeirra: Sjálfstæðisflokkurinn nötrar af glímuskjálfta og innri ágreiningi …