Lilja töluð niður í bankabralli

Það hitnar stöðugt meira undir Bjarna Benediktssyni fjármálaráðherra vegna brasksins með hlutabréf í Íslandsbanka og þeirra vinavæðingu sem þar virðist hafa átt sér stað. Yfirlýsing Lilju Alfreðsdóttur viðskiptaráðherra um að hún hafi látið í ljósi skýr mótmæli við aðferðina urðu sem olía á eldinn og magnaði upp andstöðuna meðal almennings sem fékk ekki að taka þátt í bankabrallinu. Línan hjá stjórnarliðum í VG og Sjálfstæðisflokknum er sú að endurtaka sem oftast að Lilja hafi ekki látið bóka mótmæli sín og afstöðu innan ráðherranefndar eða ríkisstjórnar og sé þannig ótrúverðug. Þá er hamrað á því að Bankasýslan beri ábyrgð á klúðrinu en ekki fjármálaráðherrann, með þessu móti telja samherjarnir í Sjálfstæðisflokknum og VG væntanlega að Bjarni muni standa af sér skandalinn, eins og venjulega. Þá standa vonir til þess að það sljákki í mótmælendum um páskana og Bjarni standi uppi sem sigurvegari úr nauðvörninni að lokum. Stóri vandinn í þessu máli er hinsvegar Framsóknarflokkurinn með Lilju í stafni sem núna þurfa að stíga fleiri skref í málinu til að ná fram réttlæti. Þá liggur fyrir að það er trúnaðarbrestur innan ríkisstjórnar og hveitibrauðsdögunum lokið …