Klámbúð Dags B.

„Er ekki dálítið merkilegt að fjölmiðlar skuli enn taka hluti hráa upp eftir Vigdísi H. og Eyþóri Arnalds?“ spyr Dagur B. Eggertsson borgarstjóri á Facebook. Hann gagnrýnir fréttaflutning Moggans  af kaupum borgarinnar af húsi við Kleppsveg þar sem leikskóli á að koma í stað kynlífstækjabúðar. En það er ekki deilt um það hvort það eigi að koma leikskóli þar sem áður voru seld leikföng fyrir fullorðna. Heldur snýst málið um það hvort stefni í nýtt Braggamál vegna umframkeyrslu á kostnaði. Eyþór Arnalds, oddviti Sjálfstæðismanna í borgarstjórn, kallar framkvæmdina óvissuferð og bendir á mörg dæmi um óráðsíu meirihlutans. Gárungar í Vesturbænum vilja kalla að verkefnið fái yfirskriftina Klámbúð Dags B. sem er auðvitað ósvífni og hið versta rangnefni á hinni umdeildu framkvæmd. En málið gæti undið upp á sig og orðið meirihlutanum þungbært …