Guðlaugur Þór vill stólinn

Það molnar stöðugt meira undan Bjarna Benediktssyni, formanni Sjálfstæðisflokksins. Fyrrverandi og núverandi þingmenn stíga fram  og krefjast uppgjörs gagnvart forystunni og margir efast um að rétta fólkið leiði flokkinn. Líkurnar á áframhaldandi stjórnarsamstarfi við Vinstri-græna minnka stöðugt. Engum dylst að eldar loga á milli Svandísar Svavarsdóttur heilbrigðisráðherra og Bjarna og vandséð um framhald á samstarfi þeirra. Um árabil hefur verið lítt falinn klofningur innan Sjálfstæðisflokksins. Formaðurinn og Guðlaugur Þór Þórðarsson utanríkisráðherra eiga nánast enga samleið og grefur hvor undan öðrum. Stórsigur Guðlaugs Þórs í prófkjöri flokksins þykir gefa honum byr undir báða vængi og stuðningsmenn hans telja sjálfgefið að hann taki við flokknum. Sjálfur starir hann á formannsstólinn. Aðrir telja það vera hið mesta óráð að fela honum stjórn flokksins með tilheyrandi klofningi. Niðurstaða komandi kosninga mun ráða örlögum Bjarna og því hvernig framvindan verður hjá Guðlaugi Þór…