Áhyggjur á Fréttablaðinu

Helgi Magnússon. útgefandi Fréttablaðsins, Hringbrautar og DV, er væntanlega áhyggjufullur vegna lesturs á blöðum hans. Nýjustu mælingar sýna að Fréttablaðið er aðeins með 33 prósent lestur og hefur tapað fjórða hverjum lesanda  á síðustu þremur árum. Frá 2010 hefur blaðið misst helming lesenda sinna. Þá er lestur DV innan við 5 prósent sem er langt frá því besta á þeim bæ og helmingur þess sem var 2018 þegar yfir 10 prósent lásu blaðið. Það alvarlegasta í stöðunni er að Bændablaðið sem Hörður Kristjánsson ritstýrir er með hátt í 30 prósenta lestur og nálgast Fréttablaðið. Þvi skal þó haldið til haga að Bændablaðið kemur út hálfsmánaðarlega en Fréttablaðið fimm sinnum í viku. Helgi útgefandi er þaulreyndur rekstrarmaður og ólíklegt annað en hann nái tökum á rekstrinum en það mun væntanlega kosta bæði svita og tár …