Agnes formælir Aldísi

Agnes Bragadóttir, blaðamaður Morgunblaðsins á eftirlaunum, átti undarlegt útspil í fjölskylduharmleik Bryndísar Schram og Jóns Baldvins Hannibalssonar. Upp úr þurru hélt Agnes því fram að dóttir þeirra, Aldís Schram, sem ber föður sinn þungum sökum, hafi reynt að nauðga sér í læstu rými inni á geðdeild Landspítalans. Til að undirstrika þetta allt saman formælti blaðakonan Aldísi á Facebook með orðum sem sjaldan sjást í opinberri umræðu. Aldís hefur boðað að lögmaður hennar skoði málið með hliðsjón af meiðyrðum. Fyrir nokkrum árum varð Agnes uppvís að því að bera blaðamann á samkeppnismiðli röngum sökum í uppsláttargrein. Mogginn baðst afsökunar og greiddi þá háar bætur til að losna frá málinu. En nú þarf Agnes sjálf að standa við orð sín og það getur orðið henni dýrkeypt …