Hugarfarsbreyting er að eiga sér stað á Íslandi í tengslum við íþróttir og þá sérstaklega varðandi karlalið í boltaíþróttum; nærtækasta dæmið eru öll þessi ofbeldismál landsliðsmanna karla í knattspyrnu sem hafa hingað til verið þögguð niður með hjálp KSÍ, lögmanna og mögulega einhverra annarra.
Já, sú var tíðin. Hlutirnir breytast og eru að breytast hratt.
Þórdís Hrönn tók þessa „skemmtilegu“ ljósmynd úr búningsklefa og lætur þessi orð fylgja með henni:
„Talandi um klefamenningu. Þá var þetta pepp fyrir leik inní búningsklefa KK. Ég spilaði með kvk liðinu og var að keppa daginn eftir þeirra leik, þegar ég sá þetta.
Vonandi nota þeir aðrar í aðferðir í dag til að peppa sig.“
Mögulega hefur einhverjum þjálfaranum þótt þetta viðeigandi skilaboð til leikmanna sinna, í þeim tilgangi að hvetja sína leikmenn til að leggja eins hart að sér og mögulegt er; og þá gengur ekkert „helvítis hommakjaftæði.“
Vonandi alveg liðin tíð.