Bardagi Fjallsins og Eddie fer fram í kvöld – Hafþór er talinn sigurstranglegri

Hnefaleikabardagi Eddie Hall gegn Hafþóri Björssyni fer fram í Dubai í kvöld og er hann kallaður „þyngsti bardagi heims“. Bardaginn átti upprunalega að fara fram í september en var honum aflýst eftir að Eddie meiddist á upphandleggsvöðva skömmu fyrir bardagann.

Hafþór er betur þekktur sem Thor og Fjallið en samkvæmt heimildum Mannlífs hafa þó nokkrir Íslendingar gert sér ferð út til þess að hvetja Hafþór áfram í kvöld. Þá þykir Hafþór örlítið sigurstranglegri ef marka má spá erlendra veðbanka en samanlagt eru þeir Eddie 295 kíló. Útsending fyrir bardagann hefst klukkan hálf níu í kvöld á íslenskum tíma.