Yfirlögfræðingur Samherja – Arna McClure – verður áfram með réttarstöðu sakbornings í rannsókn héraðssaksóknara í Samherjamálinu.
Arna hefur haft réttarstöðu sakbornings í tæp þrjú ár; fór hún þess á leit að rannsókn á hendur sér yrði hætt, en ósk hennar varð ekki að veruleika.
Héraðsdómur Reykjavíkur hafnaði kröfu Örnu.
Eins og fram hefur komið hefur Arna haft réttarstöðu sakbornings vegna rannsóknar á meintum mútugreiðslum Samherja í Namibíu; 4 vikur eru liðnar síðan tekist var á um það fyrir Héraðsdómi Reykjavíkur hvort áðurnefnd Arna ætti áfram að vera með stöðu sakbornings í Samherjamálinu eður ei.
Arna er nú ein af 9 með réttarstöðu sakbornings í málinu.
Ekki er algengt að slík krafa sé lögð fram; þá er einnig sjaldgæft að dómstólar nýti sér þær 4 vikur er þeir hafa til að úrskurða í frávísunarmálum.
Arna og lögmaður hennar hafa nú 3 daga til að taka afstöðu til þess hvort úrskurðurinn verði kærður til Landsréttar.