Vikan ódýrust á Vesturlandi

Það kostar íslensku vísitölufjölskylduna frá höfuðborgarsvæðinu að lágmarki ríflega 300 þúsund krónur að verja viku úti á landi þar sem ódýrast er að gista og leika sér. Þessi sama vika getur líka kostað fjölskylduna rúmlega 750 þúsund krónur, eða hátt í þrefalt meira sé dýrari gistimöguleiki valinn. Að meðaltali kostar vikan minnst á Vesturlandi og þar býðst einnig ódýrasta vikan miðað við að gist sé á tjaldsvæði. Sú vika kostar rétt rúmar 307 þúsund krónur með gistingu, afþreyingu, bensíni og fæði.

Á meðan óvissa ríkir um hvenær Íslendingum gefst aftur kostur á ferðalögum til útlanda hafa Ferðamálastofa og yfirvöld hvatt til ferðalaga innanlands í sumar. Allir Íslendingar, 18 ára og eldri, fá stafrænt gjafabréf að upphæð 5 þúsund krónur úr ríkissjóði og er litið á bréfið sem beinan stuðning við fyrirtækin í ferðaþjónustu vegna efnahagslegrar óvissu á COVID-tímum.

Mannlíf fór á stúfana og skipulagði vikuferðalag fjögurra manna fjölskyldu, foreldra með börn á aldrinum 7 og 14 ára, í öllum landsfjórðungum Íslands.

Austurland

Gisting á Austurlandi

Afþreying á Austurlandi – verð samtals 222.436 krónur

Fastur kostnaður á Austurlandi – verð samtals 57.052 krónur

Kvöldverður á Austurlandi – verð samtals 62.613 krónur

Vika á Austurlandi – meðaltalskostnaður 480.382 krónur

Norðurland

Gisting á Norðurlandi

Afþreying á Norðurlandi – verð samtals 192.070 krónur

Fastur kostnaður á Norðurlandi – verð samtals 44.624 krónur

Kvöldverður á Norðurlandi – verð samtals 69.651 krónur

Vika á Norðurlandi – meðaltalskostnaður 512.617 krónur

Vesturland

Gisting á Vesturlandi

Afþreying á Vesturlandi – verð samtals 186.980 krónur

Fastur kostnaður á Vesturlandi – verð samtals 33.936 krónur

Kvöldverður á Vesturlandi – verð samtals 66.380 krónur

Vika á Vesturlandi – meðaltalskostnaður 464.959 krónur

Suðurland

Gisting á Suðurlandi

Afþreying á Suðurlandi – verð samtals 187.900 krónur

Fastur kostnaður á Suðurlandi – verð samtals 33.936 krónur

Kvöldverður á Suðurlandi – verð samtals 70.429 krónur

Vika á Suðurlandi – meðaltalskostnaður 531.744 krónur

Forsendur

Fjögurra manna vísitölufjölskylda, 2 börn, 7 og 14 ára. Ferðast dagana 3.-10. júlí í sumar. Aðeins er reiknað með kvöldverði án drykkjarfanga. Morgun- og hádegisverður afgreiðist með matarkörfu úr matvöruverslun. Reynt var að finna sömu þjónustu í öllum landsfjórðungunum.

Í einhverjum tilvikum tókst það ekki þar sem verð voru ekki gefin upp á heimasíðum viðkomandi þjónustuaðila, þá var fundin sambærileg afþreying. Öll verð miðast við birt verð á heimasíðum þjónustuaðila, taka verður tillit til þess að margir koma til með að veita afslátt gegn gjafabréfi stjórnvalda og einhverjir eru byrjaðir að auglýsa sérstakan COVID-afslátt. Því er ljóst að sérstök Íslendingaverð eru í undirbúningi fyrir sumarið. Allir afþreyingar- og veitingamöguleikar fengnir út frá ábendingum á ferðavefsíðum viðkomandi landsfjórðunga.

Leitað var eftir gistingu á booking.com (leitarstaðir: Egilsstaðir, Akureyri, Stykkishólmur og Flúðir) og alltaf flokkað eftir lægsta verði. Ekið er í öllum tilvikum frá höfuðborgarsvæðinu á KIA Sorento 4×4-fjölskyldubíl með fellihýsi í afturdragi. Stuðst var við reiknivél Orkuseturs. Gera má ráð fyrir auknum bensínskostnaði vegna ferðalaga milli afþreyingar- og veitingastaða.