- Auglýsing -
Óvenjulegt atvik þetta átti sér stað við styttuna á Arnarhóli. Þar hafði svangur maður kveikt eld í ruslatunnu til að koma sér upp eldunaraðstöðu. Lögreglan var kölluð til og kom þá á daginn að tilgangur íkveikjunnar var sá að elda sviðakjamma. Eldamennskan hafði farið úr skorðum og sviðakjamminn brann og tunnan bráðnaði. Hinn hungraði var í annarlegu ástandi og var vistaður í fangageymslu vegna atviksins.
Fyrr um kvöldið var lögreglu tilkynnt um ítrekaðar afstungur þar sem ekið hafði verið tvisvar sinnum á bifreiðar og stungið af. Lögregla hafði hendur í hári mannsins og færðu hann í fangageymslu. Auk þess lék grunur á að maðurinn væri undir áhrifum fíkniefna.
Þá voru tveir stöðvaðir grunaðir um akstur undir áhrifum áfengis eða fíkniefna.