- Auglýsing -
Á níunda tímanum í gærkvöld var þyrlusveit Landhelgisgæslunnar kölluð út vegna þess að skipverji á íslensku loðnuveiðiskipi féll útbyrðis út af Sandvík á Reykjanesi. Sömuleiðis voru sjóbjörgunarsveitir á vegum Slysavarnafélagsins Landsbjargar á Suðurnesjum kallaðar út.
Fram kemur á vef Gæslunnar að áhöfn færeysks loðnuveiðiskips, sem var í grenndinni, hafi brugðist skjótt við og tekist að kasta björgunarhring til skipverjans. Stuttu síðar komu skipsfélagar mannsins honum til bjargar með léttbát.
Áhöfn þyrlunnar sótti síðan manninn og flutti hann á Landspítalannn í Fossvogi og er líðan hans eftir atvikum góð.