Það er deginum ljósara að Morgunblaðið stendur þétt við bakið á Ingó Veðurguði sem ásakaður hefur verið af tugum kvenna um kynferðislegt ofbeldi.
Mál málanna að undanförnu er kynferðisásakanir á hendur Ingó Veðurguði, sérstaklega þegar ljóst varð að hann myndi spila á næstu Þjóðhátíð í Vestmannaeyjum – stjórna hinum geysilega vinsæla brekkusöng sem fyrrum alþingismaðurinn Árni Johnsen gerði landsfrægan fyrir áratugum síðan.
Ingó hefur séð um téðan brekkusöng óslitið frá árinu 2013, og um verslunarmannahelgina helgina næstu blasir enn einn brekkusöngurinn í umsjón Ingós við þjóðhátíðargestum.
Skopmynd eða skrípamynd Morgunblaðsins í dag hefur vakið athygli enda fréttaefni að eitt stærsta dagblað Íslands taki svona skýra afstöðu með meintum kynferðisbrotamannni og taki svona skýra stefnu gegn meintum þolendum; þetta er deginum ljósara þegar myndin er skoðuð.
Það er teiknarinn umdeildi, Helgi Sig. sem gerði myndina og er þetta langt í frá fyrsta skiptið sem mynd hans vekur mikla athygli, flestar þó fyrir að vera umdeildar og jafnvel hataðar yfir í að vera elskaðar af einhverjum; alveg örugglega af þeim sem stjórna í Hádegismóum þar sem Morgunblaðið er einmitt til húsa.