Suzuki Ryotaro, nýr sendiherra Japans á Islandi, hreifst af útliti Bjarna Benediktssonar, fjármálaráðherra og formanni Sjálfstæðisflokksins, og segir ráðherrann íslenska bæði hágvaxinn og myndarlegan. Vel fór á með þeim á fundi í dag.
Ryotaro sendiherra birti Twitter-færslu eftir fundinn þar sem hann birti jafnframt mynd af þeim Bjarna saman. Þar segir hann:
„Ég hitti þennan mann á skrifstofu hans í dag. Eins og sjá má á myndinni, þá er hann virkilega hávaxinn og myndarlegur!! (og gáfaður auðvitað). Standandi við hlið hans virka ég mjög lítill.“
Bjarni deilir og svarar tísti sendiherrans á þá vegu að ánægjan hafi verið öll sín og „þú ert nú ekki svo slæmur sjálfur!“
Ryotaro bætti svo síðar við færslu sína eftirfarandi: „Þér kann að líka við hann eða ekki. Það er þér í sjálfsvald sett. Það er bara hluti starfs míns að hitta þessa stjórnmálamenn og ráðherra.“
Alda nokkur svarar síðan viðbót sendiherrans: „Það má segja ýmislegt um Bjarna en hann er með lýtalaust hár sama hvað,“ segir Alda.