Lögreglan handtók í gærkvöld karlmann í miðbæ Reykjavíkur. Sá var grunaður um að hafa ráðist á mann skömmu áður en var hann í annarlegu ástandi samkvæmt dagbók lögreglu. Þar maðurinn var ekki viðræðuhæfur fékk hann gistingu í fangaklefa þar sem hann bíður eftir því að verða yfirheyrður.
Stuttu áður barst lögreglu tilkynning um innbrot í Hafnarfirði. Ekki leið á löngu þar til lögregla hafði hendur í hári þess grunaða en sá gisti einnig bak við lás og slá.
Þjófur í Breiðholti var gómaður í verslun. Var hann látinn laus að loknni yfirheyrslu. Þá barst lögreglu tilkynning um slagsmál í Grafarvogi. Einn maður var handtekinn vegna málsins en var honum sleppt úr haldi eftir að hafa rætt við laganna verði. Nokkrir ökumenn voru stöðvaðir vegna gruns um akstur undir áhrifum vímuefna.