Óla var ítrekað nauðgað af Sigga hakkara: „Hon­um þótti fyndið að spreyja piparúða í aug­un á mér“

Óli Björn Pétursson varð fyrir hræðilegu kynferðisofbeldi, auk andlegs og líkamlegs ofbeldis, af hálfu kynferðisglæpamanns, sem oftast er kallaður Siggi hakkari.

Óli Björn segir, í Sunnudagsblaði Morgunblaðsins, sögu sína sem ekki er falleg.

Hann vill setja gott fordæmi með því að stíga fram vill og hvetur aðra unga menn sem lent hafa í kynferðisofbeldi að segja frá reynslu sinni.

Sigurður „Siggi hakkari“ sendi ítrekað skilaboð á Óla Björn og náði honum smám saman á sitt vald, en þá var Óli Björn ekki orðinn fimmtán ára:

„Hann hætti aldrei að senda á mig fyrr en ég samþykkti og þá kom hann,“ segir hann og bætir við að Sigurður hafi fyrst brotið á sér 24. apríl 2011 á Sauðárkróki; Sigurður keyrði alla leið norður í þeim eina tilgangi að brjóta á drengnum:

„Það er erfitt að segja frá þessu. Hann náði mér og það varð ekki aftur snúið. Hann hótaði mér öllu illu. Hann hótaði að segja frá, en ég upplifði gríðarlega skömm. Hann hótaði að gera fjölskyldunni minni illt. Ég var í heljargreipum. Ég sagði engum frá neinu á þessum tíma.“

Óli Björn segir að flest brotin hafi átt sér stað í bíl í nágrenni Sauðárkróks og bætir við:

„Hann átti vopn; raf­byssu, hand­járn og hann var með skamm­byssu og skot­helt vesti í bíln­um. Það var all­ur pakk­inn. Hann notaði eitt sinn raf­byss­una á mig og ég ber ör eft­ir það. Hann notaði hana á mig þegar ég neitaði að gera það sem hann vildi. Hann notaði í eitt skipti á mig piparúða. Hon­um þótti ógur­lega fyndið að spreyja piparúða beint í aug­un á mér. Hann beitti mig oft lík­am­legu of­beldi á all­an hátt. Hann lét mig líka hafa Via­gra til þess að ég gæti gert eitt­hvað við hann. Hann var alltaf með valdið og ég vissi hvað hann var fær um. Ég var alltaf hrædd­ur við hann og gerði bara það sem hann sagði mér að gera. Þetta var ógeðslegt frá A til Ö,“ seg­ir Óli Björn

„Þetta hætti ekki fyrr en 2013- 2014, þannig að þetta var í gangi í tvö og hálft til þrjú ár. Þetta er löng saga,“ segir Óli Björn og segir Sigurð hafa haft algjört vald yfir sér. „Það voru níu strákar í heildina sem hann var dæmdur fyrir að brjóta á. Ég veit ekki til að neinn þeirra hafi stigið fram eins og ég er að gera núna. Hann sat aðeins inni í nokkra mánuði, það er það versta af öllu.“