Nemendur í Listaháskóla Íslands eru beðnir um að mæta í skólann í jólafríi til að sjá um tiltekt eftir önnina.
Umræða er nú á Twitter þar sem nemendur skólans furða sig á þessu fyrirkomulagi, en þar spyr Sigrún:
„Hvernig er það, mæta nemendur í HÍ og HR líka á tiltektardaga og raða borðum og stólum í jólafríinu?“
Þá segir einn nemandi frá því að hún hafi þurft að mæta á sérstakan tiltektardag, og aftur daginn eftir, til að klára verkið:
„Það var lokað út í gám í gær á *tiltektardeginum* þannig við eigum bara að mæta aftur á morgun.“
Nemendur við Háskóla Íslands og Háskólann í Reykjavík þekkja það ekki að mæta í miðju jólafríi til þess eins að taka til, en ein segir:
„Við erum að borga fyrir að vera þarna, það er fólk ráðið til þess að sjá um þetta.“
Þess má geta að skólagjöld hjá Listaháskólanum eru að jafnaði um 300.000 krónur á önn.