- Auglýsing -
Íslendingur nokkur deilir myndinni sem má sjá hér fyrir neðan á vefsvæði Íslendinga á Reddit. Þar má sjá skilaboð sem hann segist hafa fengið og er nokkuð augljóst að þau séu frá svikahröppum.
Ef skilaboðin eru raunveruleg þá hlýtur þetta að vera meðal verstu tilrauna til að plata pening út úr nokkrum. Notandinn sem deilir myndinni skrifar: „Þessir svindlarar eru orðnir kræfir“.
Í skilaboðunum sem hann á að hafa fengið stendur svo: „Thu skulda miki miklu pening. Thu borga kreditkort hja hlekk www.real-skattur.com. Takk, skattur.“ Vefslóðin er ekki virk og því líklega um sprell að ræða, en myndin er jafn fyndin fyrir því.
