Miðflokkurinn er sakaður um að brjóta persónuverndrarlög með því að senda fyrrum félögum Framsóknarflokksins tölvupóst. Þeir sem fengu póstinn hafa margir aldrei verið skráðir í Miðflokkinn.
Björgmundur Örn Guðmundsson setti færslu á Facebook síðu sína þar sem hann hvetur þá sem hafa fengið umræddan tölvupóst, sendi tilkynningu til persónuverndar. Björgmundur telur Miðflokkinn hafa stolið flokksskrá Framsóknarflokksins „Er þetta enn ein staðfesting á því sem menn voru nokkuð vissir um að fyrrum félagar í Framsókn stálu flokksskránni og hafa nýtt hana til að hafa samband við fólk bæði með tölvupóstum og smsum ólöglega,“ segir Björgmundur og heldur áfram, „Stefna flokksmanna hefur verið að leiða þetta hjá sér og einblína á jákvæða baráttu. En að þessi ólöglega notkun sé enn til staðar 5 árum síðar nær út fyrir allan þjófabálk.“
