- Auglýsing -
„Lögreglan á höfuðborgarsvæðinu óskar landsmönnum öllum gleðilegra jóla og farsældar á nýju ári.“
Lögreglan vill benda á að „lokað verður í þjónustudeild Lögreglunnar á höfuðborgarsvæðinu og í móttöku/afgreiðslu embættisins á Hverfisgötu 115, Krókhálsi 5b og Vínlandsleið 2-4 í Reykjavík, Dalvegi 18 í Kópavogi og Flatahrauni 11 í Hafnarfirði fram á þriðja í jólum, eða til 27. desember.“
Auðvitað verður „útköllum sinnt með hefðbundum hætti, enda er sólarhringslöggæsla á höfuðborgarsvæðinu alla daga ársins, og minnt er á að ef óskað er eftir skjótri aðstoð lögreglu skal undantekningarlaust hringja í 112.“
Einnig bendir lögreglan á að „ef erindið er af öðrum toga, þ.e. ekki brýnt og þolir e.t.v. einhverja bið, vinsamlegast hafið samband við þjónustuver embættisins á Hverfisgötu 113-115, Reykjavík, í síma 444 1000. Þar verður aftur opið frá og með kl. 8 árdegis mánudaginn 27. desember.
Sömuleiðis er hægt að koma upplýsingum á framfæri um hvaðeina með því að senda tölvupóst á netfangið [email protected] Lögreglan á höfuðborgarsvæðinu er jafnframt á fésbókinni og það er líka hægt að senda henni skilaboð og fyrirspurnir á þeim vettvangi.“
Að endingu vill lögreglan minna „á upplýsingasíma lögreglu 800 5005. Í hann má hringja nafnlaust til að koma á framfæri upplýsingum um skipulagða brotastarfsemi, eða önnur brot sem fólk hefur vitneskju um.“