Lísa Emmudóttir óskar eftir vitnum að því þegar rauðri málningu var skvett yfir alla bifreið ömmu sinnar. Atvikið átti sér stað um hábjartan dag á Laugaveginum í Reykjavík.
„Allar upplýsingar vel þegnar, hversu litlar eða miklar þær kunna að vera! Það er greinilega ekki öruggt að leggja bílnum í löglegt bílastæði fyrir utan vinnustaðinn sinn!“
Steinunn er ein þeirra fjölmörgu sem ekki á orð fyrir atvikinu. „Hver gerir svona?,“ spyr Steinunn. Kristjana nokkur veltir svipuðu fyrir sér. „Hver fjandinn er að fólki?,“ spyr Kristjana.
Erlendur hefur ákveðnar grunsemdir. „Vonandi skýrist þetta en það læðist að manni grunur um að einhver telji að lagt sé í stæði sem ætlað er öðrum. Þetta segir mér að flýta ákvörðun minni að setja myndavél í minn bíl,“ segir Erlendur.