Uppgjöri KSÍ við Guðna Bergsson fyrrum formann KSÍ er lokið.
Guðni sagði af sér í lok ágúst.
Þetta kemur fram í skriflegu svari til Fréttablaðsins.
Hins vegar neitar KSÍ að gefa upp hvað Guðni fær í sinn hlut að svo stöddu; þau gögn verða birt í febrúar á næsta ári þegar ársþing KSÍ fer fram.
Guðni var kjörinn formaður KSÍ árið 2017. Hneykslismálin í kringum karlalandsliðið voru hins vegar það sem felldi Guðna og alla stjórn KSÍ.
„Það er búið að ganga frá uppgjöri við Guðna og allar upplýsingar um launamál munu koma fram á ársþingi KSÍ í febrúar“ segir Ómar Smárason hjá KSÍ í skriflegu svari til Fréttablaðsins.
Fram hefur komið að Guðni Bergsson var með 1.283.000 krónur í laun á mánuði; auk þess naut hann bifreiðahlunninda sem voru að hámarki 150.000 krónur á mánuði.