Jón Gnarr, fyrrum borgarstjóri, skemmtikraftur, leikari og útvarpsmaður, hefur boðið fram aðstoð sína við að koma íslensku inn í Dualingo tungumálaforritið.
Dualingo er gríðarlega vinsælt smáforrit, en þar getur maður lært mikið magn tungumála.
Þar má meira að segja læra tungumál sem ekki eru töluð af raunverulegum þjóðum; til dæmis High Valyrian sem töluð er í ævintýraþáttunum Game of Thrones og Klingon málið úr Star Trek.
En á Dualingo er ekki íslensku að finna.
„hi @duolingo can I help to set up an Icelandid course?“ spurði Jón á Twitter-aðgangi sínum.
Hefur færslan fengið um í 80 „læk“ og nokkrir hafa skrifað athugasemdir sem allar hljóða eins:
„Já takk!“
Sigurður einn svaraði þó öðruvísi:
„En engin óorð, takk fyrir,“ ritaði hann, og vísaði þar í bókina Óorð sem Jón gaf út fyrir jólin.