Lögreglan á höfuðborgarsvæðinu, nánar tiltekið kynferðisbrotadeildin og ákærusviðið, eru að skoða hvort refsa eigi þeim Íslendingum sem selja aðganga að erótísku efni á OnlyFans. Sá hópur fer ört stækkandi hér á landi.
Lögreglan athugar nú hvort flokka þurfi OnlyFans-efnið íslenska sem klám en slíkt er refsivert samkvæmt almennum hengingarlögum. Í 210. grein laganna segir:
Ef klám birtist á prenti, skal sá, sem ábyrgð ber á birtingu þess eftir prentlögum, sæta sektum eða fangelsi allt að 6 mánuðum.
Hulda Elsa Björgvinsdóttir, yfirmaður ákærusviðs, staðfestir í samtali við Fréttablaðið að efnið á OnlyFans virðist falla undir fyrrnefnt ákvæði um bann við sölu á klámi. Spurð að því hvort hægt væri að gera tekjurnar af viðkomandi starfsemi upptækar, sagði hún að skoða þyrfti hvert dæmi fyrir sig.