Ísland á topp 5 yfir hæsta leiguverð í heimi

Ísland er í fimmta sæti yfir dýrustu leiguverð í heimi samkvæmt rannsókn sem gerð var í Bretlandi.

Í rannsókninni var skoðaður meðalkostnaður leigu á þriggja herbergja íbúð, í rúmlega 50 löndum og var miðað við framfærslu á fjögurra manna fjölskyldu.

Taflan sýnir leiguverð á þriggja herbergja íbúð eftir löndum.

Leigan á þriggja herbergja íbúð var dýrust í Hong Kong, en þar var leigan að meðtaltali 489.000 kr. á mánuði.

Eftirspurn eftir húsnæði er mikil enda er um að ræða 7 og hálfa milljón manna sem búa á um 1.110 ferkílómetrum sem útskýrir þéttbýlið og um leið, himinháa verðið.

Svipað ástand er í Singapúr, þar sem leigugjald er að meðaltali um 400.000 kr. Singapúr er annað mjög þéttbýlt land líkt og Hong Kong, og mikið um skýjakljúfa sem bæði seljast- og eru í útleigu á miklu yfirverði.

Sviss hefur verið þekkt fyrir háan framfærslukostnað og ekki er leiguverð undantekning. En meðalkostnaður á leigu er 336.000 kr.