- Auglýsing -
Tilraun var gerð til vopnaðs ráns í apóteki við Laugaveg í Reykjavík í dag. Lögregla var kölluð út um klukkan hálf þrjú vegna málsins og handtók gerandann á staðnum. RÚV greinir frá þessu.
Gerandinn er sagður í haldi lögreglu og verður yfirheyrður nú í kvöld eða á morgun.
Erna Dís Gunnarsdóttir, hjá lögreglunni á höfuðborgarsvæðinu, staðfestir þetta við fréttastofu Vísis og segir gerandann hafa verið handtekinn áður en tjón varð. Hún segir engan hafa meiðst.
Búist er við frekari upplýsingum frá lögreglu innan skamms.