Nunnur báðu til guðs um fönn og endaðu í snjóboltastríði við prestinn – MYNDBAND

Það var heldur betur stuð hjá nunnum í kaþólskri kirkju í Metairie í Louisiana í Bandaríkjunum en þær nutu sín í botn í snjóboltastríði við prestinn í kirkjunni. Samkvæmt fjölmiðlum vestanhafs báðu þær til guðs um snjókomu og báðu söfnunarmeðlimi kirkjunnar að gera slíkt hið sama.

„Rétt fyrir jólafríið, þegar það var 24°C hiti og rakt, var talað um að biðja fyrir snjó þegar við kæmum aftur úr fríinu,“ sagði Kristine Cerniglia, söfnunarmeðlimur kirkjunnar, við fjölmiðla.

Snjókoma í bænum er afar sjaldgæf og hefur aldrei sést í því magni sem sást í síðustu viku síðan mælingar hófust á 19. öld.

Til að fagna öllum þessum snjó ákváðu nunnurnar Anna Margaret, Maria Caeli og Felicity að keppa við séra Tim Herick í snjóboltastríði og er ljóst á myndbandi sem tekið var upp af stríðinu að mikil gleði ríkti hjá þeim öllum.