Móðir Þorsteins Más Baldvinssonar, forstjóra Samherja, var flutt heim með sjúkraflugi eftir árshátíðarferð útgerðarfyrirtæksins í Póllandi. Það var fjölmiðlamaðurinn Eiríkur Jónsson sem uppljóstraði hver það var sem fór með sjúkravélinni en fyrstu fréttir af málinu voru á þann veg að maður hefði beinbrotnað eftir óhapp.
Eiríkur segir frá þessu á vefsvæði og segir þar að „maðurinn“ sem um ræðir hafi verið Björg Finnbogadóttir, móðir Þorsteins Más forstjóra.
„Hún er 92 ára, fullfrísk og athafnasöm. Hún var sérstaklega mætt til að fagna með syni sínum og starfsfólki því þúsund manna árshátíðin hyllti afmælisbarnið, forstjóra sinn sem varð sjötugur fyrir fáeinum dögum. Að sögn fór ekki framhjā neinum að forstjórinn nýtur mikilla vinsælda hjá sínu fólki og segja má að hann…”eigi í því hvert bein,” eins og árshátíðargestur orðaði það.“ segir Eiríkur.
Sjá einnig: Fluttur heim með sjúkraflugi úr árshátíðarferð Samherja