Þau Kristjana Arnarsdóttir, íþróttafréttakona, og Haraldur Franklín Magnús, kylfingur, eignuðust dóttur síðasta fimmtudag. Mæðgunum heilsast vel.
Kristjana, sem hefur annast íþróttafréttir á RÚV ásamt fleiri verkefnum á miðlinum, til að mynda sem spyrill í Gettu Bettur, birti mynd á Instagram af nýbakaðri fjölskyldunni, þar sem hún skrifaði: „Við foreldrarnir erum að springa úr hamingju og nýtum nú hvert augnablik í að stara á þetta litla meistaraverk.“
„Sjálfur er ég fullur þakklætis og er að springa úr ást á stelpunum mínum. Gríðarlega spennandi tímar fram undan,“ skrifaði Haraldur í færslu sem hann birti á Facebook í gærkvöldi.
Þetta er fyrsta barn þeirra Kristjönu og Haraldar. Þau lýsa yfir þakklæti sínu til heilbrigðisstarfsfólksins sem kom að bæði meðgöngu og fæðingu.
Mannlíf óskar litlu fjölskyldunni innilega til hamingju!
View this post on Instagram