- Auglýsing -
Ólöf Tara Harðardóttir, einkaþjálfari og einn meðlima aðgerðarhópsins Öfga, fullyrðir að fyrrverandi kærasti hennar hafi dreift persónulegum myndum af sér til vina hans. Það hafi hann gert til að monta sig af henni.
Ólöf opnar sig um myndasendinguna óþægilegu í færslu á Twitter. Þar segir hún að allavega fjórir einstaklingar hafi fengið að sjá myndina.
„Það var einungis EINN sem hafði þann manndóm að segja mér frá því. Kærasti minn á sínum tíma sendi vinum sínum mynd af mér, á meðan við vorum saman. Bara svona til að monta sig. Fokking ógeð! Það skal svo engan undra að það var auðvitað ofbeldissamband. Algengi þess að myndum sé dreift að kvk er svo orðin partur af norminu eins & allt annað ofbeldi,“ segir Ólöf Tara.