- Auglýsing -
Guðmundur Felix hélt á yngsta barnabarninu í fyrsta skipti með nýjar hendur. Hann kom til Íslands í vikunni en þá hafði hann ekki komið til landsins í langan tíma.
Nýju handleggir hans voru græddir á hann í janúar síðastliðnum og hefur Guðmundur verið í stífri endurhæfingu síðan; hann er sá fyrsti í heiminum til að fá á sig grædda handleggi annars manns og var það gert nákvæmlega 23 árum eftir að hann missti báða handleggi sína í slysi.
„Ég vann sem rafveituvirki hjá Rafmagnsveitu Reykjavíkur og var að vinna við háspennulínu rétt utan við borgarmörkin. Röð af atvikum og misskilningi verður til þess að ég fer upp í ranga línu og í raun og veru brenni af mér hendurnar,“ sagði Guðmundur fyrir nokkrum árum síðan.