„Mitt líf er hrunið og verður aldrei samt,“ segir Glúmur Baldvinsson og er algjörlega niðurbrotinn eftir tap sinna manna í Manchester United gegn nýliðum Watford; United skoraði eitt mark en nýliðar Watford fjögur.
Glúmi líður illa, og svo er um marga stuðningsmenn stærsta og goðsagnakenndasta knattspyrnuliði heims – Manchester United.
„Ég mun aldrei dansa aftur eða líta himininn sömu augum. Bara sorti framundan í göngum sem hvergi enda eftir þennan dag. Ég þarf enga huggun enda hvergi hægt að hugga mann án net og símasambands týndur í allsherjar myrkviði og gleyptur af svartholi.“
Lokaorðin segja allt sem segja þarf um ástandið á Old Trafford og ástand Glúms:
„4 – 1. Eru menn að grínast í mér? Hvernig er hægt að tapa 1 – 4 á móti einhverju liði sem enginn nútímamaður eða homo sapiens kannast við? Watford my arse. Þetta er búið. Hér skrifa ég ekki meir.
Góða nótt.
Vegni ykkur hinum eftirlifandi vel. Mína eina huggun er sú að það var gleðilegt að kynnast ykkur um stund.“