Enn hefur leit lögreglu að Almari Yngva Garðarssyni, sem lýst var eftir í gær, engan árangur borið.
Þetta segir í tilkynningu frá Lögreglunni á höfuðborgarsvæðinu í dag.
Lítið er vitað um ferðir Almars, annað en að hann hafi verið á ferðinni í Hafnarfirði milli klukkan tvö og þrjú aðfaranótt sunnudags.
Almar er með gráa Chevrolet Spark bifreið til umráða með bílnúmerinu HUX90.
Björgunarsveitir á höfuðborgarsvæðinu, Suðurnesjum, Suðurlandi og Vesturlandi hafa verið kallaðar út til aðstoðar við leitina, auk Landhelgisgæslunnar.
Almar Yngvi Garðarsson er 29 ára gamall. Hann er 190 sentímetrar á hæð, grannur, með dökkt hár og skeggrót. Hann er talinn klæddur í hvíta hettupeysu, svart 66°Norður vesti og gráa íþróttaskó.
Þeir sem geta gefið upplýsingar um ferðir Almars eru beðnir um að hafa strax samband við lögregluna í síma 112.
