Hannes keypti höll: Verðið var 165 milljónir – Sjáið myndirnar!

Landsliðsmarkmaðurinn frábæri í fótbolta, og leikmaður Vals, Hann­es Þór Hall­dórs­son, og eig­in­kona hans, Halla Jóns­dótt­ir, hafa keypt glæsilega fasteign við Sævarland 20 í Foss­vogi, sem er innarlega í götunni; rétt við frábært úti­vist­ar­svæði sem aðskil­ur Sæv­ar­land og Ljósa­land.

Nokkuð ljóst er að Hannes er vel „múraður“ eftir langan og glæsilegan feril sem enn sér ekki fyrir endann á – sem betur fer – því húsið var sett á litlar 165 „kúlur“ – en mjög líklegt verður að teljast að verðið hafi verið enn hærra, því mikil eftirspurn var eftir þessu glæsilega húsi.

Það er vel skiljanlegt að Hannes og Halla hafi heillast af „höllinni“ því hún er gríðarlega flott; allt val á inn­rétt­ing­um, gól­f­efn­um og stíl og mörgu fleira er alveg sér­stak­lega vel heppnað.

Þá er garður­inn við húsið mjög fallegur.

Þess má geta að húsið var algjörlega tekið í „nefið“ árið 2007.

Hann­es og Halla eru ekki að fara langt því þau búa í Ljósalandi – sem er steinsnar frá nýja húsinu – og þau geta í raun skokkað með búslóðina yfir á nýja glæsilega heim­ilið sitt sem þau fá afhent í haust.