„Í sumar þegar ég las frásögn Önnu Maríu um hópnauðgun sem hún varð fyrir, gerðist eitthvað inní mér,“ segir Hanna Björg Vilhjálmsdóttir sem vakið hefur mikla athygli fyrir gagnrýni sína á KSÍ varðandi meint ofbeldi landsliðsmanna og þöggun KSÍ. Hanna sagði sögu sína í Kvöldviðtali Mannlífs nýlega sjá hér.
„Þetta var frásögnin sem fyllti einhvern mæli hjá mér ef svo má segja. Hvernig gerendur höfðu ekki bara komist upp með viðbjóðslegt ofbeldi – heldur voru líka dáðir og dýrkaðir. Ég fór í vegferð og hugsaði ekki um valdið sem ég fór gegn.. Ég lét hjartað ráða för,“ segir Hanna Björg sem fékk góða afmælisgjöf:
„Í gær átti ég afmæli og það er eins og örlagagyðjurnar hafi ákveðið að gefa mér gjöf – kona steig fram og staðfesti það sem ég hef sagt og skrifað og valdið hafði véfengt og afgreitt sem dylgjur.“
Hanna Björg er sátt:
„Ég átti dýrðlegan afmælisdag í mínu ástkæra starfi og með dýrmætu fjölskyldunni minni.
Takk fyrir allar óskirnar, hvatninguna og fallegu orðin – allt þetta fer beint í hjartað – sem ræður för.