„Nægjusemin er gjöf frá pabba á dánarbeðinu, ég var aðeins 23 ára þegar ég missti hann og lærði þá að lífið er hverfult. Það má segja að það hafi mótað mig á vissan hátt, það eru ekki veraldlegu hlutirnir sem skipta máli öllu í lífinu,” segir Guðrún Hafsteinsdóttir, nýkjörinn oddviti Sjálfstæðismanna í Suðurkjördæmi í Kvöldviðtali Mannlífs.
„Stórfenglegur stundirnar eru þessar einföldu, að vera heima með fólkinu sem manni þykir vænt um, borða góðan mat eða sitja á þúfi úti í íslensku náttúrunni. Það þarf ekki mikið til að gleðja mig, ég á gamlan bíl og hús fullt af gömlu drasli“.
Guðrún segist vera komin á þann stað í lífinu að vera tilbúin að setjast á þing.
„Ég horfði lengi vel á Alþingi með hálfgerðum hryllingi. Sem aðila úr atvinnulífinu hefur mér fundist öll ákvarðanataka ganga óskaplega hægt. Ef ég kýs til dæmis að koma með nýjan ís á markað er hann kominn í verslanir á innan við mánuði. Á Alþingi myndi hann bráðna í nefnd enda þingið fullt af fólki sem hefur setið sem fastast svo áratugum skiptir og vill hreinlega ekki hætta“.