Danska lögreglan lýsti eftir Freyju Egilsdóttur Mogensen, 43 ára, í gær. Ekkert hafði þá spurst til hennar frá því á fimmtudagskvöld í síðustu viku. Þá hvarf hún eftir vinnu. Danska lögreglan sendi frá sér tilkynningu í morgun og þar kemur fram að lík Freyju sé fundið. DV greinir frá.
Freyja starfaði á dvalarheimili aldraðra í Odder, á austanverðu Jótlandi. Talið var að Freyja hefði mögulega farið með lest á föstudagsmorgninum. Vinnuveitenda hennar barst SMS-skeyti á laugardeginum úr síma Freyju þar sem hún boðaði veikindi frá vinnu.
Síðan heyrði enginn frá henni.
Sambýlismaður hennar, sem er 51 ár, hefur verið handtekinn og er grunaður um að hafa orðið Freyju að bana. Danska lögreglan hefur greint frá því að líkamsleifar, sem taldar eru af Freyju, hafa fundist bæði á heimilinu og fyrir utan það. Reynt hafði verið að fela líkamshlutana.
Fréttin verður uppfærð.