- Auglýsing -
Freyja nokkur á í miklum vandræðum með að ná blóðleifum af bílnum sínum og leitar ráða hjá netverjum um hvernig hún geti tekist á við þetta. Blóðið er úr lúsmý og situr það pikkfast á lakki bifreiðarinnar.
Freyja auglýsir eftir ráðum inni í fjölmennu samfélagi á Facebook, Þrifatips. Þar segir hún:
„Smá spurning hérna til ykkar snillinganaa þ.s.s reynsluboltanna ég er að reyna að kljást við þessar lús-mý blóðleifar sem virðist vera jafn fastar á framhluta bílsins hjá mér og lakkið á bílnum sjálfum. Hvernig er best að ná þessu af á auðveldan máta?,“ segir Freyja og bætir því við að hún hafi reynt ýmislegt til þess:
„Búin að prófa WD40 spray, tjöruhreinsir ásamt því að nudda og nudda mjög vel en það virkaði ekki bara hrein plága að eiga við. Er stödd langt upp í sveit þar sem að það er ekki auðvelt að komast í bílaþrif vörur eða nokkuð þannig lagað og 40 mín akstur í næsta kaupstað. *Dæs*“
Fjöldi stígur fram með ýmiskonar ráð fyrir Freyju til að berjast við blóðleifarnar á bílnum. Gosdrykkurinn Coca Cola er eitt af því sem bent er á en Birna er með aðra tillögu: „Grænn Sámur sem heitir flugubani eða eitthvað þannig hreinlega leysir þær upp.“
Og Ásta þekkir líka ráð. „Flugnahreinsir frá Sonax er snilld fæst lika Íslenskur flugnahreinsir í Bónus ég hef ekki reynslu af honum,“ segir Ásta.
