- Auglýsing -
Flugvélavandamál halda áfram að koma upp í Bandaríkjunum en í gærmorgun blossaði upp eldur í vél flugvélar og festi eldurinn sig í væng vélarinnar.
Vélin var í flugtaki og var förinni heitið frá George Bush flugvelli í Houston til New York og var um að ræða Airbus vél frá United Airlines. 105 farþegar og fimm áhafnarmeðlimir vélarinnar þurftu í snatri að yfirgefa vélina á miðri flugbrautinni meðan málið var afgreitt af slökkviliði flugvallarins. Samkvæmt fjölmiðlum í Houston urðu ekki nein slys á fólki.
Þetta atvik er eitt af nokkrum alvarlegum sem komið hafa upp í Bandaríkjunum á árinu en stutt er síðan sex manns létust í flugslysi í Philadelphia og 67 í Washington D.C. Flugmálayfirvöld í Bandaríkjunum eru með atvikið í rannsókn.