Stórleikarinn Gene Hackman og eiginkona hans Betsy Arakawa hafa fundist látin á heimili sínu í Santa Fe í Nýju Mexíkó. Hundur þeirra fannst einnig látinn.
Í yfirlýsingu til Santa Fe New Mexican-dagblaðsins sagði Adan Mendoza, sýslumaður Santa Fe-sýslu í Nýju Mexíkó segir: „Við getum staðfest að bæði Gene Hackman og eiginkona hans fundust látin síðdegis á miðvikudag á heimili sínu á Sunset Trail. Málið er í rannsókn en á þessari stundu teljum við ekki að um að andlátin hafi borið upp með saknæmum hætti.
Hackman, 95 ára, giftist hinni 63 ára Arakawa árið 1991 en þau bjuggu í Santa Fe síðan á níunda áratugnum.
Gene Hackman var einn allra besti leikari sem Hollywood hefur alið en hann hlaut tvenn Óskarsverðlaun á ferlinum og var tilnefndur þrisvar sinnum til viðbótar. Þekktustu myndirnar hans voru meðal annarra Mississippi Burning, Unforgiven, The French Connection, Crimson Tide, The Conversation og Bonnie and Clyde.