Fimm látnir eftir lyftuslys: „Þetta er al­var­legt at­vik“

Fimm menn sem voru í lyftu sem hrapaði í Svíþjóð í gær eru allir látnir.

Sagt er frá atvikinu í sænsku miðlum en rannsókn á málinu er hafin. Skoðað verður hvort vinnulöggjöf hafi verið brotin og slysið hafi borið að með saknæmum hætti. Lyftan er sögð hafa fallið 20 metra en hún var á byggingarsvæði í Sundbyberg í Svíþjóð.

„Þetta er al­var­legt at­vik sem við höf­um til rann­sókn­ar, fimm manns hafa verið úr­sk­urðaðir látn­ir,“ sagði Gunn­ar Jonas­son, sak­sókn­ari við Um­hverf­is- og vinnu­um­hverf­is­stofn­un Svíþjóðar í fréttatilkynningu um málið.

Unnið er að því að bera kennsl á mennina og hafa samband við aðstandendur. Búið er að tilkynna slysið til sænska vinnueftirlitsins og hefur öllum framkvæmdum á svæðinu verið hætt meðan rannsókn stendur yfir.