Baneitrað samband Hildar

Ástandið innan hins nýja borgarstjórnarflokks Sjálfstæðísflokksins er með nokkrum ólíkindum og er í líkt við það sem gerðist þegar villikettirnir riðu húsum hjá Vinstri grænum áður en Katrín Jakobsdóttir kom böndum á flokkinn. Í kosningunum kom þetta eitraða samband skýrt fram í útstrikunum. Nafn Hildar Björnsdóttur, leiðtoga flokksins var langoftast strikað út eða 290 sinnum. Þá var strikað 123 sinnum yfir nafn Kjartans Magnússonar, sem skipaði þriðja. sæti á lista flokksins. Marta Guðjónsdóttir , borgarfulltrúi Sjálfstæðisflokksins var strikuð út 129 sinnum og nafn Helga Áss Grétarssonar, sem sat í sjöunda sæti var strikaður út 117 sinnum. Þarna hefur maður gengið undir manns hönd til að strika út samherja sína og er lýsandi fyrir þann hildarleik sem átti sér stað í kosningunum. Til dæmis um hörkuna í átökunum innan Sjálfstæðisflokksins þá var nafn Dags B. Eggertssonar borgarstjóra aðeins strikað út 67 sinnum. Þessi staða er eitt helsta áhyggjuefni þeirra sem vilja komast í meirihluta og gjóa augunum til Hildar og hennar fólks sem á í baneitruðu sambandi innbyrðis …