Bæjarráð Árborgar hefur úrskurðað um hænsnahald í þéttbýlinu og núna er leyfilegt að halda fimm hænur á hverri lóð, en stranglega bannað er að halda hana.
Þetta þýðir með öðrum orðum að lausaganga hænsna er með öllu óheimil í Árborg; sleppi hænsni úr gerði skal strax gera ráðstafanir við að handsama þau.
Þá kemur fram í úrskurði bæjarráðs að „komist hæna ekki í réttar hendur innan sjö daga er heimilt að ráðstafa henni til nýs eiganda eða selja fyrir áföllnum kostnaði. Ef það tekst ekki verða handsamaðar hænur aflífaðar.“
Einnig að „á lóðum þar sem leyfi er til hænsnahalds þarf að vera að lágmarki 2,5 fermetra hænsnakofi með gerði; byggður samkvæmt byggingarreglugerð.
Til að koma í veg fyrir ónæði vegna hávaða þarf að „hafa myrkur hjá hænsnum frá klukkan níu á kvöldin til klukkan sjö næsta morgun alla daga.“
Þá er ljóst að meirihlutinn í bæjarstjórn Árbæjar vill hafa hreinlætið í lagi og engin grið gefin hvað það varðar:
„Þá ber hænsnaeigendum að þrífa hænsnakofa að lágmarki einu sinni í viku og farga hænsnaskít á löglegan hátt.“