„Hæ, ég er að leita að einum til tveimur harðduglegum einstaklingum til að vinnu utan borgarinnar á morgun (laugardag). Vinnan felst í því að planta litlum trjám. Laun er 2000 íslenskar krónur á tímann og gert ráð fyrir 8-10 tíma vinnu. Alls verða launin 16-20.000 krónur“.
Hér er um að ræða færslu sem birtist á Facobook síðunni Vinna með litlum fyrirvara. Auglýsandinn, Hanna, skrifar færsluna á ensku og bætir við að það taki 2 klukkutíma að keyra á staðinn og þar af leiðandi aðra tvo til baka. Ennfremur vill hún að viðkomandi umsækjandi segir frá reynslu sinni áður en ráðning er íhuguð.
Flestum virðist skemmt yfir færslunni og ekki að sjá að slegist verði um störfin.
Viktor segir að nú sé lag að skella sér í þrældóm og Matti reiknaði út að þetta gerði 1.333 krónur á tímann og sennilegast yrði bensínkostnaður dregin frá því.
Hvort Hanna fékk fólk í trjávinnuna er ekki vitað að svo stöddu.